Opor egun hauetan ez hainbeste baina, besteetan, egunero-egunero ordu asko egin ohi ditugu eserita bai gelan, bai etxean ikasten baita ordenagailuaren aurrean ere. Hau dela eta, gero eta ugariagoak dira bizkarreko lepoko eta zango, begi eta buruko minak.

Gaitz eta min hauei guztiei aurre egiteko modurik onena aholku erraz batzuk jarraitzea da, hainbat jarrera aldatzea eta ariketak egitea, hain zuzen ere.

Eserita gaudenean:

• Bizkarrak zuzen eta aulkiari erabat bermatuta egon behar du.

• Postura aldatu, segundo batzutan jaiki, pauso batzuk eman…

• Oinek zoruaren gainean egon behar dute.

• Ez gurutzatu zangoak; horixe baita jarrerarik txarrena.

Ordenagailuaren aurrean:

• Teklatua ahalik eta baxuena egotea komeni da.

• Sagua ez indar handiz sakatu. Ukondoek beti mahaiaren gainean egon behar dute.

• Ordenagailuko monitoreak begien parean kokatuta egon behar du.

Argi suabe eta orokorra erabil ezazu.

Denbora luzez egon behar baduzu, zure begiei ordu laurdeneko atsedenak eman.

Jarrera hauek kontuan hartuta gero, ondo legoke, gure lana bukatu ondoren, luzapen batzuk egiteko tartetxo bat hartzea.

Aspaldi eskatu zitzaion Anariri Ordiziako Gaztetxean kontzertu bat eman zezan eta azkenik eman zuen, abenduaren 27ko gauean. Anari talde azkoitiarra da eta bertako kantaria, Anari bera, gure ikastolan, Ordiziako Jakintza ikastolan, irakasle da. Ikasleok maiz kantatzeko eskatu arren, berak ez digu inoiz abesten, diskoa erosi edo kontzerturen batera joateko esaten digu. Horregatik eskatu genion hona etortzeko kontzertu bat ematera, bere musika hobeto ezagutzeko.

Asteko egun arrunt bat izan arren, gaztetxea betetzea lortu zuten. Bere gitarran arreta jarri genuenok ezaugarritxo batez jabetu ginen, bere disko berrienaren azalean agertzen den zebraren irudia zuela itsatsirik bertan. Anariren musika ezagutu edo disfrutatzera joan ginen guztiok gustura irten ginela iruditu zitzaidan niri eta oso detaile polita izan zuen izandako eta diren ikasleei abesti bat eskaintzean.

Beraz, oraindik talde honen musika ezagutzen ez duen oro kontzerturen batera joatera gonbidatzen dut. Ezin duenarentzat hemen dituzue orain arteko abesti guztiak entzungai.

Orain arte Anariri buruz euskaljakintzan idatzitakoa irakurri nahi baduzu:

• Anariren Zebra

• Anariren Zebra kontzertuan 1go aldiz

Gaurko saioan, bi arau ezberdin azalduko ditugu: ene, nire, niri eta -(e)z gero. Jarduerak, ordea, bigarrengoan baino ez ditugu egingo lehenengo araua guztiz sinplea baita.

Ohitura handia dugu ni pertsona-izenordain arruntatik eratorritako formak aldatzeko. Hots, zuzenak diren nire, nirekin, niretzat…erabili beharrean, *nere, *nerekin eta horrelakoak erabiltzen ditugu askotan. Horren inguruan zera jakin behar dugu:

ENE/NIRE, NIRI

- Nire,

- Nirekin,

- Niretzat,

- Niri ,e.a.

Ez idatzi, ordea, nere, nerekin, neretzat, nere, e.a.

Araua osorik.

-(E)Z GERO

Zer dio Euskaltzaindiak honi buruz? Adi hurrengo hiru kasuekin!

1. Aditzaren ondoren, kasu guztietan -(e)z gero idatziko da: hori eginez gero, hori egin duzunez gero. Ez idatzi, beraz, hori egin ezkero, etorri ezkero…

2. Orduekin, eta oro har denbora posposizio gisa, ezkero ere idatz daiteke: hamarrez gero / hamarrak ezkero, zortziez gero / zortziak ezkero, San Ferminez gero /San Ferminak ezkero, atzoz gero / atzo ezkero.

3. Honezkero, horrezkero eta harrezkero aditzondoak, era horretan idatziko dira.

Araua osorik.

Praktika

Eguberrietan gaudela eta, denok irrikan gaude Olentzero eta Erregeei harrera emateko, opariak jasotzeko, familiarekin une ederrak igarotzeko, Urte Zahar eguna ospatzeko…

Hirugarren munduko pertsonek, ziurrenik gogo berdina edukiko dute gabonak iristeko, baina han egoera zeharo desberdina dela ezin ukatu. Aspalditik daude janariaren arazoari aurre egin nahian, haurrek ezin dute eskolara joan, garapenetik urrun bizi dira… Hauek, dena den, adibide gutxi batzuk baino ez dira, jakina!

Pairatzen dituzten ezbeharren artean, eguneroko elikadura dago. Ez dira iristen egunean beharrezkoak kontsideratzen diren 2000 kalorietara eta proteina falta ere nabarmena da. Hau horrela izanik, umeek behar bezala hazteko arazoak izaten dituzte.

Bestalde, nekazaritza da nagusi hirugarren munduan (industrializazioa ez da oraindik iritsi toki askotara) eta honek mendekotasuna sortzen die naturarekiko, uholdeetan, lehortetan eta horrelako egoeretan duten apurra galduz. Gainera, umeak txiki-txikitatik lanean jartzen dituzte eskolara ezin dituztelako eraman eta hau guztia dela eta, analfabetismo tasak izugarri handiak dira.

Ez al da komeni denok hausnarketa egitea honi buruz? Egia da, gu berehala kexatzen garela zerbait nahi eta lortzen ez dugunean; baina, esadazue, benetan kexatzeko eskubiderik ba al dugu munduan jendea horrelako egoeretan dagoen bitartean? Eguberriak iritsi behar al dira pertsona hauetaz gogoratzeko?

Gabonak ospatzen ari gara, kalera irten eta giro berezi hori nonahi argi ikusten da. Euskal Herrian gabonak Olentzerorekin ospatzen ditugu eta, besteak beste, opariak jasotzen ditugu, bazkari itzelak egiten… Baina noizbait pentsatu al duzue Indian, adibidez, nolakoak izango diren?

Bertako egoera ez da oso ona eta ziur asko ez dituzte gabonak hemen bezala ospatuko. Euskal Herriko ume gehienentzat gabonak opariz jositako egun zoriontsuak izaten ari diren bitartean , beraiek ez dute horrelako ezer izango.

Horregatik, GKE batzuk egun hauek aprobetxatzen dituzte jendeari laguntza txiki bat eskatzeko. Laguntza hau, esaterako, erakunde bakoitzak diseinatzen dituen posta-txartelak erabiliz eman dezakezu. Gabon hauetan zure familiako kideren bat, lagunen bat … zoriontzeko txartel hauetako bat erosten baduzu, hortik diru-kopuru bat India eta beste hainbat herrialdetako biztanleei laguntzeko erabiliko da.

Erakunde askok antolatzen dituzte mota honetako laguntzak. Hasteko, Solidaridad Internacional dugu. GKE honek hiru motatako posta txartelak jarri ditu salgai eta hauekin lortzen den dirua Afrika eta Amerikako hainbat lekutara bideratuko da. Jarraitzeko, Survival erakundea dugu. Erakundeko jendeak diseinaturiko txartelekin ateratzen dena Indiako haurren heziketarako eta bertako familiak laguntzeko erabiliko da. Bukatzeko eta azken adibide gisa, Manos Unidas aipatuko dugu. Bertako txartelekin lortzen den etekina Hegoaldeko herrialdeei laguntzeko erabiltzen da.

Orain dela urte asko hasi ziren GKE hauek lanean eta ordunik etengabe ari dira horretan. Pozgarria da ikustea, gainera, gero eta jende gehiagok hartzen duela parte hauek antolatzen dituzten ekintzetan. Txartel hauen prezioak baxuak dira, ez dira 2 eurotik pasatzen; beraz, ekimen polita izan liteke Gabon hauetan maite dugun jendea honelakoak erabiliz zoriontzea!

Informazio gehiago nahi izanez gero, hemen klikatu.